آخر الأخبار :

8 مارس و حكايتي

8 مارس و حكايتي

بقلم - عاريف رجاء
نقدم ليكم نفسي اولا و قبلو على ما وجد ثانيا
معاكم رجاء 32 سنة مراكشية الله يحجبني من العين .
قريت فالرباط و شديت الماستر فشعبة قانون الاعمال؛و بطبيعة الحال و بما انني البنت البكر عند واليدية؛و مساكن بالحرقة ديالهم عليا بغاو يردو مني وزيرة للعدل قياس الخير...يعني نرد المغرب مدينة فاضلة ....نو شفرة ....نو رشوة...نو بوسان الصبابط.....نو و نو و نو....ًدوزت المحاماة و نجحت لكن زهري ما رضاش بيا مسكين و مالقيتش فلوس النقابة المصونة ....دوزت القضاة الله يحجبهم من العين ..طلبولي فلوس عاااين باين...دوزت المحررين ....جاتني الحمة القلاعية فالمشاعر بعد معرفتي بنجاح ناس ما سخنوش تا الكرسي نهار الامتحان.

واحد النهار جمعتها لراسي بواااحد مولاتي تصرفيقة؛ و قلت لراسي مالي انا على هاد تخربيق كاع....هاد بيرو و ستيلو ما حاملينيش...ااجي ندير التجارة.
حزمت راسي مزيان و صمكت ودني من تيوتيو ديال زعر الراس ...ركبت جوج جنحين كبااار و قلت عيط جبد للخدمة.
اي حاجة بعت و شريت فيها تا التسمير درناه..اش منك يا طوموبيل اشمنك يا تراكتور
اشمنك يا كلينيكس و زيد و زيد
المهم وليت راجل بلا شلاغم
واحد النهار دارت ليا الناعورة و قلت علاش مانديرش لعسل و اركان و املو ...الناس باغة الجودة و مالقياهاش الا من رحم ربي
بحث و قلبت و درت مشروعي الخاص في تربية النحل ف منطقة عيسى إ حاحان نواحي الصويرة
عشت احلى و اجمل لحظات مع ناس النية و الصدق فجبينهم مرسومين ...علموني بزاف ديال لحوايج ...تعلمت كلشي على يديهم ...خلاوني نعشق النحل من بعد ما كنت نخاف و نصفار و نخضار منين نشوف غا نحيلة وحدة....دابا وليت ندخل وسط من الجبوحة و نغني ليهم ام كلثوم
ربي خلق الكون باس المخلوقات كاملة بجميع اصنافها تخدمنا ....خاصنا غير نتوكلو على الله بيقين ...اللي سخر النحلة ليا... قادر يسخر ليك و يرزقك خيرات و خيرات
التجارة زيييييينة و فيها البركة فقط اللي نوصيك بيه الصفا و المعقول تربح
و من الجهة ديالي مرحبا بيك
نهار تبغي عسل حر تفكرني و اكييييييد غا تشكرني عليه
06.69.62.00.97
بالصحة مسبقا ....ها الكيلو ديالك بسم الله
نهركم عسل في عسل



نشر الخبر :
رابط مختصر للمقالة تجده هنا
http://alaan.ma/news194.html
نشر الخبر : Administrator
عدد التعليقات :
الرجاء من السادة القراء ومتصفحي الموقع الالتزام بفضيلة الحوار وآداب وقواعد النقاش عند كتابة ردودهم وتعليقاتهم. وتجنب استعمال الكلمات النابية وتلك الخادشة للحياء أو المحطة للكرامة الإنسانية، فكيفما كان الخلاف في الرأي يجب أن يسود الاحترام بين الجميع.